Diyaarad kusoo dhacday buurta Mount Jumbo iyo Khasaaro ka dhashay (Daawo Sawirada)

Diyaarad ay saarnaayeen 11-ruux ayaa dhacday xili ay dul mareysay buurta Mount Jumbo ee gobolka Alaska ee dalka Maraykanka, waxaana shilkan ka dhashay khasaaro dhaawacyo u badan.

Ciidamo katirsan dowlada Mareykanka ayaa u gurmaday Diyaarada dhacday iyo dadkii saarnaa, waxaana ciidamada soo bad baadiyeen 11-kii ruux oo diyaarada saarnaa kuwaa oo qaar badan oo kamid ah qabeen dhaawacyo.

Labo kamid ah diyaaradaha nuuca Qumaatiga u kaca ayaa ka howl galay goobta diyaaradu kusoo dhacday oo aheyd buur , waxaana dadkii shilkan ku dhaawacmay la geeyay xarumo caafimaad.

Baarayaal ayaa su’aalo la xariira waxa shilkan dhaliyay weydiinaya Duuliyihii diyaarada , waxaana dadkii shilkan ka bad baaday qaarkood oo argagaxsan siyaabo kala duwan uga hadleyn shilkan dhacay iyo waxii sababay.

Xafiiska Shabakada Allbanaadir.com
Muqdisho Somalia
Allbanaadir@live.com